Equipo - Comité Técnico Asesor

Científica titular do Consello Superior de Investigacións Científicas , ademais de profesora convidada e relatora, desenvolve a súa actividade investigadora, galardoada con diversos premios, na área da demografía do envellecemento, a análise das estratexias residenciais e as condicións de saúde e benestar de persoas con idades avanzadas.

Xefe do Servizo de Medicina Interna da área sanitaria de Santiago de Compostela e Barbanza e profesor titular de Medicina na Universidade de Santiago de Compostela. Ademais, é promotor e director da Cátedra de Cronicidade da USC, que xunto coa medicina cardiovascular e a pluripatología, conforman as súas principais áreas de investigación e traballo.

Coordina a área de Envellecemento Activo de Afundación, Obra Social Abanca, desde a que se promoven iniciativas de promoción da saúde e participación das persoas maiores, experiencias innovadoras de posta en valor da súa experiencia, estudos e sensibilización social acerca do envellecemento.

Diferentes representantes de áreas de persoas maiores: atención a persoas en proceso de envellecemento ou con funcións cognitivas deterioradas, promoción do envellecemento saudable, rede social para persoas maiores, bo trato ás persoas maiores, axuda complementaria a domicilio, centros de día ou sensibilización á sociedade sobre as persoas maiores, entre outras.

Sociedade científica interdisciplinaria conformada por máis de 500 socios e socias de diversas disciplinas relacionadas coa xerontoloxía, desde unha ampla perspectiva que inclúe a visión clínica, biolóxica, psicolóxica e social, e desde as cuales achegan coñecementos para mellorar a calidade de vida das persoas maiores, en Galicia en particular e no contexto global en xeral.

Catedrático emérito de Enfermería Xeriátrica e Xerontolóxica na Universidade de Santiago de Compostela, foi director e fundador do Instituto Xerontolóxico Galego e do IV Ciclo da USC para maiores de 55 anos. Ademais é autor de múltiples libros e monografías de temática xerontolóxica e participa activamente de iniciativas relacionadas coa lonxevidade e o envellecemento activo.

Catedrático emérito da USC, pertence ao Departamento de Psicoloxía Social, Básica e Metodoloxía da Facultade de Psicoloxía. O Dr. Campos, entre outros méritos, foi profesor de Psicoloxía da Memoria durante máis de corenta anos na USC. Investigou sobre as imaxes mentais, tema sobre o que publicou máis de douscentos artigos, a maioría en revista internacionais con índice de impacto na Social Sciences Edition (JCR). Dirixiu dez Tese Doutoral, todas elas obtiveron a máxima cualificación, e todas están centradas no tema das imaxes mentais aplicadas a diferentes campos. Ademais, é creador e director do Museo Galego de Psicoloxía na Facultade de Psicoloxía da USC, o único que existe en España.