Os días 22 e 23 de maio de 2026, Lugo acolleu o XXXVI Congreso Internacional da Sociedade Galega de Xerontoloxía e Xeriatría (SGXX) baixo o lema “Vivir máis, vivir mellor: dignidade, dereitos e coidado na lonxevidade”.
Neste encontro de referencia, a Cátedra Cruz Roja USC tivo unha participación destacada, tanto pola calidade das súas achegas como pola súa implicación en espazos clave do programa científico.
Presenza en espazos estratéxicos do programa científico
A contribución da Cátedra articulouse en distintos formatos do congreso, reforzando o seu enfoque interdisciplinar e aplicado:
Participación en simposio
A Cátedra formou parte activa dos espazos de reflexión colectiva do congreso, en liña con simposios centrados na mellora do benestar, a loita contra o idadeísmo e a promoción dunha lonxevidade saudable.
Co título «Tecnoloxía para persoas maiores: dereitos, autonomía e coidados na era dixital», o simposio organizado pola Cátedra tivo como obxectivo ser un espazo de reflexión e diálogo arredor do papel da innovación no benestar das persoas maiores. Moderado por Cristina Candal Pedreira, directora da Cátedra Cruz Vermella USC, o simposio reuniu destacadas voces do ámbito académico e tecnolóxico:
- Francisco Bellas (Universidade da Coruña) abordou as oportunidades e riscos dos robots intelixentes no coidado, abrindo o debate sobre a substitución fronte ao acompañamento tecnolóxico.
- Sonia Valladares Rodríguez (Universidade de Santiago de Compostela) presentou unha análise sobre os servizos actuais e o potencial da Intelixencia Artificial para facer fronte aos desafíos do envellecemento.
- Loli Pereiro (BIOGA) achegou a súa visión sobre a innovación en saúde desde un enfoque biotecnolóxico, destacando o papel do ecosistema empresarial.
Estas intervencións contribuíron a enriquecer o debate sobre como avanzar cara a modelos máis integrados de coidados e apoio social. Un encontro que puxo o foco na necesidade de desenvolver solucións tecnolóxicas centradas nas persoas, respectuosas cos seus dereitos e orientadas a reforzar a autonomía e a calidade de vida.
Comunicacións orais: transferencia e excelencia investigadora
Outro dos eixos principais de participación foi a presentación de comunicacións orais en sesións temáticas paralelas, espazos concibidos para compartir resultados de investigación e experiencias innovadoras.
Nestas sesións, a Cátedra presentou traballos centrados en:
- Avaliación de intervencións fronte á soidade non desexada
- Deseño de ferramentas dixitais e comunitarias de acompañamento
- Análise do impacto social de programas de atención telefónica e comunitaria
Estas contribucións reflicten o compromiso da Cátedra cunha investigación aplicada, orientada á mellora real da calidade de vida das persoas maiores.
Recoñecemento á calidade: premio a comunicación oral
A participación da Cátedra obtivo ademais un importante respaldo en forma de recoñecemento científico, coa concesión dun premio a unha das comunicacións orais presentadas.
O traballo “Co-creación de intervenciones digitales en salud mental con personas mayores en España: un estudio cualitativo mediante grupos focales”, presentado por Natalia Martín María (Universidad Autónoma de Madrid), foi recoñecido co Premio Cátedra Cruz Roja USC. Unha investigación que demostra que escoitar, adaptar e diseñar coas persoas maiores é esencial para mellorar o seu benestar e autonomía.
Foron tamén autores da mesma: Sol Sesmero Huerta, Lucía Jiménez Gonzalo, María Márquez González, Mareike Hillebrand e Andrés Losada Baltar.
Este galardón pone en valor:
- A calidade metodolóxica do traballo desenvolvido
- A relevancia social do tema abordado
- A capacidade da Cátedra para transferir coñecemento útil e aplicable
O premio reforza o posicionamento da Cátedra como referente no estudo e intervención en soidade non desexada e benestar emocional.
Xerando alianzas nun contorno multidisciplinar
O Congreso da SGXX volveu evidenciar a importancia dos enfoques colaborativos, reunindo profesionais do ámbito sanitario, social, académico e comunitario.
Neste marco, a participación da Cátedra permitiu:
- Compartir boas prácticas con outros equipos
- Identificar liñas de colaboración futura
- Visibilizar iniciativas innovadoras desenvolvidas en Galicia
Así mesmo, a súa implicación na moderación e dinamización de espazos científicos contribuíu a fortalecer o diálogo entre investigación e práctica profesional.
Mirando ao futuro
O paso polo Congreso Internacional da SGXX supón un novo impulso para continuar avanzando en:
- Investigación aplicada
- Innovación social
- Transferencia de coñecemento
Sempre cun obxectivo claro: contribuír a que as persoas maiores poidan vivir máis, pero tamén vivir mellor, con benestar emocional, participación e conexión social.
Recent Comments